شعر اتوبیوگرافی را ناظم حکمت تقریبا دو سال قبل از مرگش نوشته. اگرچه این وبلاگ همواره با نوشته های فارسی به روز می شود، امشب متن آذری شده شعر اتوبیوگرافی را اینجا می گذارم تا برای یک بار هم که شده اینجا به زبان مادری ام به روز شود. شعر ناظم را از روی متن استانبولی به آذری برگردانده ام و این برگردان سال 1383در شماره 4 ماهنامه نوای ارس چاپ شده. متاسفانه نمی توانم از "نیم فاصله" استفاده کنم و هر چه هم دنبال برنامه نیم فاصله گشتم پیدا نکردم. نداشتن نیم فاصله بعضی جاها می تواند این متن را موقع خواندن با مشکلات اندکی مواجه کند که از این بابت عذر می خواهم.

 ............................................................

1902ده دوغولدوم

دوغولدوغوم شهره دؤنمه دیم بیرداها

گئری یه دؤنمه یی سئومیرم.

اوچ یاشیندا «حلب»ده پاشایا نوه لیک ائتدیم

اون دوققوزومدا مسکو کمونیست دانیشگاهی اؤیرنجی لیگی

قیرخ دوققوزومدا یئنه مسکودا «تسکا پارتی» قوناقلیغی

و اون دؤردومدن بری شاعیرلیک ائدیرم.

کیمی اوتلاین، کیمی بالیقلارین نوعونو بیلیر

                                               من آیریلیقلارین.

کیمی ازبر سایار اولدوزلارین آدینی

                              من حسرتلرین.

حبس لرده ده یاتدیم، بؤیوک هتللرده ده

آجلیق چکدیم، غذا اعتصابی دا و دادمادیغیم یئمک یوخ کیمی دیر.

اوتوزومدا آسیلماغیمی ایسته دیلر

قیرخ سکیزیمده باریش مدالینین منه وئریلمه سینی

                                                        وئردیلرده.

اوتوزآلتیمدا یاریم ایلده کئچدیم دؤرد مربع مترلیک بتونو

اللی دوققوزومدا اون سکیز ساعاتدا اوچدوم «پراگ»دان «هاوانا»یا.

«لنین»ی گؤرمه دیم، کئشیگینی چکدیم تابوتو باشیندا 1924ده

1961ده گؤردوگوم قالاربناسی*، کیتابلاری دیر.

حزبیمدن آیرماقا چالیشدیلار

                             بیر یئره چاتمادی

ییخیلان بت لارین آلتیندا ازیلمه دیم.

1951ده، دنیزده، جاوان بیر آرخاداشلا، گئتدیم اؤلومه ساری

1952ده چاتلاق بیر اورکله دؤرد آی آرخاسی اوسته گؤزله دیم اؤلومو.

سئودیگیم قادینلارا دلی کیمی پاخیل لیق ائتدیم

بیر ذره ده حسرت چکمه دیم «چارلی»یا

آلداتدیم قادین لاریمی

دانیشمادیم دالیندا دوستلاریمین

ایچتیم، آما آخشامچی** اولمادیم

هر زامان آلین تری ایله چیخارتدیم چؤرک پولومو، نه سعادت منه

باشقاسینین حسابینا اوتاندیم، یالان دئدیم

یالان دئدیم باشقاسینی اینجیتمه مک اوچون

                            آما دوردوغوم یئرده یالان دئمه دیم.

میندیم قاطارا، اوچاغا، اتومبیله

چوخلاری مینمیر

اپرایا گئتدیم

               چوخلاری گئتمیر، آدینی بئله ائشیتمه میش اپرانین.

چوخلاری نین گئتدیگی یئرلره ده من گئتمه دیم 21دن بری

         مسجده، کلیسایا، معبده، کنیسیه، سحیرجی یه

         آما قهوه فالینا باخدیردیغیم اولدو.

یازیلاریم اوتوز قیرخ دیلده چاپ اولور

      ترکیه م ده، تورکجه م له یاساق.

سرطانا یاخالاندیم داها

یاخالانماغیم دا گرک لی دئییل

باش وزیر، فیلان اولاجاغیم دا یوخ

ماراقلی سی دئیلم بو ایشین.

بیرده جنگه گیرمه دیم

سیغیناقلارادا*** ائنمه دیم گئجه یاری لاری

یوللاردا دا اوزانمادیم، بمب سالماق اوچون یوخاری دان آشاغا گلن اوچاقلارین آلتیندا

آما سئودالاندیم آلتمیشیما یاخین.

سؤزون قیساسی یولداشلار

بو گون برلینده ده کدردن اؤلوم حالیندا اولسامدا

                         انسانجا یاشادیم دییه بیلیرم

و داها نه قدر یاشارام

          باشیم دان نه لر کئچر داها

                               کیم بیلیر.

شرقی برلین/ ۱۹۶۱

.............................................................................

*بنای یادبود     ** کسی که هر شب مست می کند

***پناهگاه